Kim ham o‘ziga haykal qo‘yilishini xohlamaydi deysiz? Ammo quyidagi mashhurlarga atab qo‘yilgan ijod namunalarini ko‘rgach,
bunday haykallarning boridan yo‘g‘i yaxshi, degan xulosaga kelish mumkin.
Melaniya Tramp
AQShning sobiq birinchi xonimiga atab uning ona yurti Sevnitsada haykal qo‘yilgan. Unda Melaniya, Donald Trampning inauguratsiyasiga kiygan ko‘k libosda tasvirlangan. Ijtimoiy tarmoqda ushbu haykal aks etgan surat foydalanuvchilarning kulgisiga sababchi bo‘lgan.
Leonardo Di Kaprio
Gollivuddagi Madam Tyusso muzeyiga tashrif buyuruvchilar yuzi o‘zinikiga unchalik o‘xshamagan Di Kaprioning mumdan yasalgan haykalini ko‘rishi mumkin.
Krishtianu Ronaldu
Ronaldu beshinchi marta dunyodagi eng yaxshi futbolchi deb topilganidan keyin Madeyra orolida unga atab g‘aroyib haykal qo‘yilgan.
Muhammad Saloh
Ajoyib haykaltaroshlardan birining ijod namunasida aks etgan yulduzlardan yana biri futbolchi Muhammad Saloh sanaladi. Odamning yuzida tabassum uyg‘otadigan skulptura uning vatani Misrda o‘rnatilgan.
Jastin Biber
Millionlab muxlislarga ega xonandaga atab o‘rnatilgan haykalni Jastinga o‘xshatish mushkul.
Emiliya Klark
Madam Tyusso muzeyining Irlandiyadagi filialida o‘rnatilgan haykal “Taxtlar o‘yini” yulduzidan ko‘ra erkaklarga ko‘proq o‘xshaydi.
Devid Bekhem
Karyerasini tugatish arafasida o‘ynagan jamoa mashg‘ulot qilgan Los-Anjelosdagi stadionda Bekhemga atab haykal o‘rnatilgan. U mazkur haykalni ko‘rganida shokka tushgan. Do‘sti, komik Jeyms esa soxta taqdimot o‘tkazib, haqiqiy skulptura o‘rniga
Bekhemning xunuk qilib tasvirlangan variantdagisini ko‘rsatgan.
