Prezident Shavkat Mirziyoyev 15-yanvar kuni Yunusobod tumani faollari bilan uchrashuvda jurnalist va blogerlar faoliyati to‘g‘risida ham so‘z yuritdi, deya xabar bermoqda “Daryo” muxbiri Mirolim Isajonov.
“Ommaviy axborot vositalari birovga yoqadi, birovga yoqmaydi. Lekin jurnalist va blogerlarning adolatli haqiqatni yozib, har bir davlat idoralari, umuman, mahalliy organlarning dunyoqarashini o‘zgartirishga qaratilgan harakatlari menga juda ma’qul kelmoqda va bundan hech qachon orqaga qaytmaymiz, mana shuni bilishlaringiz kerak. Natijadorlik, haqiqat va odamlarni rozi qilish nuqtayi nazardan harakatlarimiz boshlandi va buni aslo to‘xtatmaymiz”, — dedi Shavkat Mirziyoyev.
Tadbirda Prezident tashqi siyosat masalalariga ham to‘xtaldi.
“Qo‘shnilarimiz bilan millat tinchligi va millat kelajagi uchun, albatta, yaxshi munosabatda bo‘lishimiz kerak. Qator davlat rahbarlari bilan muntazam aloqada bo‘lib turibman. Chunki do‘stlik har taraflama foydali. Biz boshqa mamlakatlar singari okeanlar bo‘yida joylashgan emasmiz, bozorga chiqish, iqtisodiyotni rivojlantirish bo‘yicha eng jiddiy muammolardan biri bu – yo‘l. Afg‘oniston orqali Pokistonga chiqadigan temiryo‘l loyihasini imzoladik. Bu bizga katta imkoniyatlar beradi”, — dedi davlat rahbari.
Mavzuga doir:
- “Oksford ta’limini joriy qilmoqchimiz” — Shavkat Mirziyoyev Toshkentda Prezident universiteti ochilishini aytdi
- Shavkat Mirziyoyev: “Ayol bor joyda adolat, haqiqat va mehr-muhabbat yonma-yon yuradi”
- “Sizga Amerika elchixonasida ishlab kelish imkoniyatini beraman” — Shavkat Mirziyoyev 17 yoshli talaba qizning taklifini qo‘llab-quvvatladi
- Shavkat Mirziyoyev Yunusobod tumani mahalla raislari va yoshlar bilan muloqot qildi
Izoh (0)