14-yanvar oqshomida ijtimoiy tarmoqlarda qo‘shni Tojikiston hududida joylashgan Qayroqqum suv omborida to‘g‘on yorilgani haqida mish-mishlar tarqalgan. O‘zbekiston Favqulodda vaziyatlar vazirligidan ma’lum qilishlaricha, ushbu axborot yolg‘on va hech qanday asosga ega emas.
“Tojikiston favqulodda vaziyatlar bo‘yicha idorasining aniq ma’lumotlariga ko‘ra, Qayroqqum suv ombori soz va butun holatda bo‘lib, shtat rejimida ishlab turibdi. O‘zbekiston Favqulodda vaziyatlar vazirligi aholini mish-mishlarga ishonmaslikka chaqiradi”, — deyiladi FVV axborotida.
Ma’lumotlarga ko‘ra, ayni mish-mish sabab 14-yanvar oqshomidan boshlab Sirdaryo viloyatining bir qator tumanlari yo‘llarida Toshkent yo‘nalishi bo‘ylab katta tirbandliklar yuzaga kelgan.
Izoh (0)