Ulama kiprik “superkley” bilan yopishtirilgan ayolning ko‘r bo‘lib qolishiga bir baxya qoldi

Rossiyaning Tver viloyatida istiqomat qiluvchi Natalya, mahalliy salonda kiprik ulatib, ko‘rish qobiliyatidan ajralib qolishiga sal qoldi. Ayol bu haqida “360” telekanaliga so‘zlab bergan, deb yozadi Today.

Ayolning aytishicha, u kiprik ulatish uchun bundan avval tirnoqlarini manikyur qildirilgan Yelenaga murojaat qilgan. Uyga kelganidan keyin kipriklarida oq qotib qolgan yelim ko‘ziga qadalishni boshlaganidan keyin stilistga qo‘ng‘iroq qilib shikoyat qilgan, bunga javoban Yelena indinga kelishi mumkinligini bildirgan.

Muolaja davomida stilist ulama kiprikni darhol ko‘chirib ololmagan va buning uchun juda ham ko‘p suyuqlikdan foydalangan va u ko‘ziga kirib ketgan. Eski sun’iy kipriklarni yechib olganidan keyin, Natalyaning dimog‘iga yelimning o‘tkir hidi urilgan, alal-oqibat muolaja so‘ngida chap ko‘zi ochilmagan. Uyga qaytish davomida esa ko‘zida lo‘qillash va og‘riqni his qilgan hamda ko‘rish qobiliyati bilan bog‘liq muammolar kuzatila boshlangan. Shundan keyin, u stilistdan sifatsiz ish uchun pulini qaytarib berishni so‘ragan.

Uning qo‘shimcha qilishicha, sun’iy kipriklar “superkley” orqali yopishtirilgan. Ko‘z shifokori qabulida ko‘rish qobiliyatidan butkul ayrilishi mumkinligini bilgan ayol, ushbu hikoya bilan ijtimoiy tarmoqlarda bo‘lishishga qaror qilgan.