“Pobeda” kompaniyasi “Vnukovo” aeroportidan “Vnukovo” aeroportigacha aviaqatnovlarni yo‘lga qo‘ydi. Garik Xarlamovning ovozida yangragan e’lonlardan charchaganlar (u “Pobeda” reyslarida muntazam jaranglaydi) 19-dekabr kuni samolyot bortiga chiqib, havoda 1,5 soat parvoz qilib, yana o‘sha joyga qaytib kelishi mumkin, deb yozadi Meduza.
“Parvoz davomida ekipajning yumshoq va e’tiborli muomalasini kafolatlaymiz, tashqarida ob-havo yaxshi bo‘lsa — shaharlarni tinglashingiz, bulutli bo‘lsa — bulutlar ustidagi musaffo osmon va quyosh butunlay bizning ixtiyorimizda bo‘ladi”, — deyiladi “Pobeda” uchuvchisi Aleksey Kochemasovning saytida. Kochemasov “Nebonutiye” podkasning boshlovchisi sifatida tanilgan. Mazkur reysga chiptalarni uning shaxsiy sayti orqali xarid qilish mumkin. “Pobeda” matbuot xizmati ushbu parvoz chindan ham amalga oshishini tasdiqlagan.
Shu bilan birga, mazkur reysga “Pobeda”ning ichki emas, balki xalqaro kodi berilgan — xuddi koronavirus davriga qadar Rossiyadan Yevropaga bemalol uchib ketish mumkin bo‘lganidek.
Eslatib o‘tamiz, avgust oyida tayvanliklar parvozlarni sog‘inganidan “hech qayerga” uchayotgani to‘g‘risida xabar berilgandi. Ular samolyotga o‘tirib havoda aylanib va uyga qaytishni boshlagan.
Izoh (0)