Rossiyada so‘nggi sutkada COVID-19 bemorlarining 442 nafari vafot etdi, deb xabar bermoqda Meduza. Bu pandemiya boshlanganidan buyon sutkalik o‘lim holatlari bo‘yicha eng yuqori ko‘rsatkich. Avvalgi rekord 12-noyabr kuni qayd etilgandi.
Sutka davomida 22 410 kishida koronavirus aniqlandi. Bu kasallanishlar soni kunlik o‘sishi bo‘yicha rekord deb topilgan bir kun oldingi ko‘rsatkichdan 368 nafarga kam. Yangi kasallanish holatlarining aksariyati Moskva (5882) va Sankt-Peterburg (2130) shaharlarida aniqlangan.
Rossiyada koronavirus tarqalishni boshlagan paytdan buyon jami 1 971 013 kishi kasallangan, ularning 1 475 904 nafari, shu jumladan, so‘nggi sutka davomida 22 055 nafari sog‘aygan.
Mamlakatda so‘nggi 24 soat davomida koronavirusni aniqlash uchun 534 mingta, umumiy hisobda esa 69,1 milliontadan ortiq test o‘tkazilgan.
Izoh (0)