Vitaminlarga boy xarcho sho‘rvasini tayyorlaymiz

Bir soat mobaynida tayyor bo‘ladigan mazali va vitaminlarga boy taomni tayyorlab ko‘ring. Oilaning katta-yu kichik a’zolariga birdek manzur bo‘lishi shubhasiz.

Kerakli mahsulotlar:

• Suyakli qo‘y go‘shti − 300 gramm;
• Guruch − 50 gramm;
• Piyoz − 100 gramm;
• Ajika (achchiq) − 10 gramm;
• Sous tkemali − 30 gramm;
• Sarimsoq − 30 gramm;
• Kinza − 10 gramm;
• Yong‘oq − 2-3 bo‘lak;
• Tomat pastasi − 50 gramm;
• O‘simlik yog‘i − 60 gramm;
• Ta’bga ko‘ra tuz va shakar.

Tayyorlanish jarayoni:

Mahsulotlar tayyorlab olinadi.

Piyoz parrak qilib to‘g‘raladi.

Qo‘y go‘shti 40 daqiqa davomida qaynatiladi.

Piyoz o‘simlik yog‘ida qovurib olinadi.

Tomat pastasi qo‘shiladi.

Qaynagan qo‘y go‘shti suvdan olinadi.

Qovurilgan piyoz go’sht pishgan suvga solinadi.

Unga yuvilgan guruch solinadi.

Ajika va tkemali sousi qo‘shiladi. Guruch pishganidan so‘ng go‘sht solinadi.

Shakar, tuz va ziravorlar qo‘shiladi.

Pomidor solinadi.

Ko‘kat va sarimsoq qo‘shiladi.

Sho‘rva biroz qaynatiladi.

Yong‘oq qirg‘ichdan o‘tkazilib, sho‘rvani suzishdan oldin solinadi.

Taom maxsus ko‘za yoki kosalarga suziladi.

Yoqimli ishtaha!