Ayni kunlarda Tojikistonda ijodiy safarda yurgan bir guruh o‘zbekistonlik OАV vakillari Tojikiston televideniyesiga tashrif buyurib, uning faoliyati bilan yaqindan tanishdi.
“Daryo” muxbiri Madina Nurman nafaqat televideniye, balki tojik hamkasblarining ikkita: rus tilidagi “Pogovorim” tok-shousi hamda o‘zbek tilida efirga uzatiladigan “Masiri do‘stiy” ko‘rsatuvining suratga olish jarayonidan ham fotoreportaj tayyorladi.
“O‘zbek va tojik xalqlari ikki tilda so‘zlashuvchi bir xalq, deyilishi bejiz emas, albatta. O‘zingiz bir qarang, studiyada har ikki millat vakillari o‘tiribdi. Аmmo kim ularni yuz tuzilishidan tojik va o‘zbekka ajratib bera oladi?
Bizning urf-odatlarimiz ham, san’at va madaniyatimiz ham bir xil. Umid qilamanki, jurnalistika sohasidagi hamkorligimiz ham yanada rivojlanadi. Kelajakda teleko‘priklar o‘rnatish va birgalikda ko‘rsatuvlar tayyorlash nasib qilsin”, dedi “Pogovorim” tok-shousi boshlovchisi Nasiba G‘ulomova.
Izoh (0)