Bugun,

  • USD 11095.31
  • RUB 173.84
  • EUR 10772.44

Qozog‘iston ta’lim va fan vaziri Asxat Aymag‘ambetov bir oydan ko‘proq vaqt oldin koronavirusga qarshi Qozog‘iston vaksinasi bilan emlangan. Bu haqda vazirning o‘zi ma’lum qilgan, deb yozmoqda “Kazinform” agentligi.

Asxat Aymag‘ambetov

Asxat Aymag‘ambetov
Foto: “Liter.kz”

“Men har kuni tadqiqotlar natijalari bilan tanishib boryapman, test natijalari va vaksinaning samaradorligini ko‘rdim, shuning uchun o‘z vaksinamiz bilan emlanishga qaror qildim. O‘shandan beri ko‘p vaqt o‘tdi. Men o‘zimni juda yaxshi his qilyapman, kataral o‘zgarishlar bo‘lgani yo‘q, haroratim ham ko‘tarilmadi”, – degan Asxat Aymag‘ambetov.

Vazirning so‘zlariga ko‘ra, u koronavirus infeksiyasiga qarshi vaksina ishlab chiqishning har bir bosqichida qatnashgan.

“Tadqiqotchilar yillar davomida xavfli yuqumli kasalliklarga qarshi ko‘plab dori-darmonlarni va vaksinalarni yaratib kelishmoqda, ular mamlakatimiz tashqarisida ham faol qo‘llanilmoqda”, – deydi vazir.

Avvalroq koronavirusga qarshi Qozog‘iston olimlari yaratgan QazCovid-in vaksinasi muvaffaqiyatli sinovdan o‘tkazilayotgani haqida xabar berilgandi.

“JSST tomonidan tartibga solinadigan barcha parametrlarga ko‘ra, ya’ni toksikligi, pirogenligi, alergenligi, immunogenligi bo‘yicha Qozog‘iston vaksinasi JSST va Qozog‘iston Davlat farmakopeyasi talablariga javob beradi”, – deyiladi agentlik xabarida.

Eslatib o‘tamiz, 2020-yil 1-avgustda Qozog‘iston Biologik xavfsizlik muammolari ilmiy-tadqiqot instituti ishlab chiqqan ikkinchi vaksina ham Jahon sog‘liqni saqlash tashkiloti veb-saytida nomzod vaksina sifatida muvaffaqiyatli ro‘yxatdan o‘tgan.

Izoh
Asosiy yangiliklar
Dunyo
Oxirgi 100 yil ichida sodir bo‘lgan dunyodagi eng kuchli 10 ta zilzila (video+foto)
Dunyo
Polsha bosh vaziri Ukrainadagi urush uchinchi jahon urushiga aylanishini prognoz qildi
Mahalliy
O‘zbekistonda dollar kursi yana oshdi