“Real” sobiq prezidenti: “Beyldek futbolchini zaxirada ko‘rish achinarli”

“Real” sobiq prezidenti Ramon Kalderon hujumchi Garet Beylning Madrid klubidagi holati haqidagi fikrlari bilan o‘rtoqlashdi.

Judayam achinarli. U kabi o‘yinchini zaxirada ko‘rish chindan ham achinarli. U vaqtni behuda sarflamoqda. Menimcha, Garetning qobiliyati va iste’dodi hech qayerga yo‘qolmagan, u hali ham yaxshi futbolchi va dunyoning istalgan jamoasida o‘ynay oladi. “Real” va Beyl bu kelishmovchilikka chek qo‘yish uchun yechim topishi kerak. Bu ikkala tomonga ham foyda keltiradi. Agar Garet maoshining kamayishiga yoki klubni tark etishga rozi bo‘lmasa, demak tomonlar ushbu vaziyatdan chiqishning boshqa yo‘lini topishi kerak.

Ramon Kalderon, “Real” sobiq prezidenti

Ma’lumot uchun, Beyl 2013-yildan “qirollik klubi”da to‘p suradi. U Ispaniya chempionatining 2019/20-yilgi mavsumida 16 ta o‘yin o‘tkazib, 2 ta gol urdi va 2 ta golga assistentlik qildi.