O‘zbekistonda 23-iyul soat 17:00 holatiga ko‘ra koronavirusdan sog‘aygan bemorlar soni 10 000 nafardan oshdi. Bu haqda Sog‘liqni saqlash vazirligi xabar bermoqda.

Kun davomida hozirgacha 130 nafar bemor sog‘aydi. Ulardan

• 48 nafari Toshkent shahrida;
• 27 nafari Navoiy viloyatida;
• 21 nafari Sirdaryo viloyatida;
• 20 nafari Namangan viloyatida;
• 7 nafari Qoraqalpog‘iston Respublikasida;
• 7 nafari Jizzax viloyatida tuzaldi.

Shu tariqa O‘zbekistonda koronavirusga chalingan 18703 kishidan 10 002 nafari sog‘aydi. Kasallikdan sog‘ayish ko‘rsatkichi 53 foizni tashkil etmoqda.

Hozirga qadar SSV hisobi bo‘yicha 100 nafar, “Daryo” hisobi bo‘yicha 105 nafar bemor vafot etgan.