Xitoyning iQOO brendi flagman modellarning texnik tavsifiga ega, biroq arzon narxdagi yangi iQOO U1 smartfonini taqdim etdi, deb xabar beradi Gizmochina.

Foto: Pricebaba

Qurilmaga IPS-matritsali 6,53 dyuymga teng hoshiyasiz displey o‘rnatilgan. Uning ichidan Snapdragon 720G protsessori o‘rin olgan. Smartfon bir necha modifikatsiyada taqdim etiladi: 6/64 Gb, 6/128 Gb va 8/128 Gb. Tezkor xotirasi esa LPPDR4x standarti bo‘yicha ishlaydi. Android 10 operatsion tizimi o‘rnatilgan qurilmaning akkumulyator sig‘imi 4500 mA/soatga teng va 18 vattli tezkor quvvatlanish funksiyasini qo‘llab-quvvatlaydi.

Smartfonning orqa qismida uchta kameradan iborat modul joylashgan. Asosiy sensor — 48 megapiksellga teng bo‘lib, uni 2 megapikselli portret kamera va makroobyektiv to‘ldirib turadi. Frontal datchik esa displeydagi kichkina qirqim ichidan o‘rin olgan.

Foto: Pricebaba

iQOO U1 uch xil rangda taqdim etilgan: ko‘k, qora va oq. Gadjet narxi uning xotirasiga qarab o‘zgarib turadi, masalan, 6/64 gigabaytli versiya 168 dollar bo‘lsa, 8/126 gibabaytlisi — 224 dollar.

Avvalroq Xiaomi’ning eng hamyonbop telefonlari — Redmi 9A va Redmi 9C modellari 100 dollardan sotuvga chiqarilgani to‘g‘risida xabar berilgandi.