MIB Yashnobod tuman bo‘limi davlat ijrochisi Sh.Sharofutdinovning sa’y-harakatlari bilan voyaga yetmagan farzand uchun aliment pullari voyaga yetguniga qadar undirib berildi. Bu haqda MIB Toshkent shahar boshqarmasi xabar qildi.
Fuqarolik ishlari bo‘yicha O‘rta Chirchiq tumanlararo sudining 2016-yil 15-iyuldagi buyrug‘iga asosan qarzdor M.A.dan undiruvchi F.A. foydasiga voyaga yetmagan bir nafar farzandi ta’minoti uchun aliment undirish belgilangan. Mazkur ijro ishi davlat ijrochisi Sh.Sharofutdinov ish yurituviga berilgandi.
Davlat ijrochisi tomonidan olib borilgan ijro harakatlari, qolaversa, targ‘ibot ishlari natijasida tomonlar kelishib, farzandi voyaga yetguniga qadar 126 million so‘mdan ortiq aliment pullari undiruvchi foydasiga naqd ko‘rinishda undirib berilgan.
Ijro hujjati O‘zbekiston Respublikasi “Sud hujjatlari va boshqa organlar hujjatlarini ijro etish to‘g‘risida”gi qonunining 41-moddasiga asosan amalda tamomlandi, deyiladi xabarda.
Izoh (0)