“Manchester Siti” hujumkor yarim himoyachisi Riyod Mahrezning uyiga o‘g‘ri tushdi, deya xabar qilmoqda The Sun.
Ta’kidlanishicha, talonchilar umumiy miqdorda 555 ming yevrolik mol-mulkni o‘margan. Xususan, futbolchining 255 ming yevrolik Richard Mille, 44 minglik Rolex Daytona va 39 minglik Rolex Day Date soati o‘g‘irlangan.
Shuningdek, 61 ming yevro miqdoridagi naqd pul va 166 ming yevroga baholangan boshqa buyumlar o‘g‘irlab ketilgan.
Xabar qilishicha, Manchester markazidagi uyga o‘g‘rilar tushgan vaqtda futbolchi voqea joyida bo‘lmagan.
Mahrez 2018-yilning yozida “Lester”dan 68 million yevro evaziga “Manchester Siti”ga o‘tgandi. Joriy mavsumda 29 yoshli jazoirlik futbolchi Premyer Ligada 23 o‘yin o‘tkazib, yetti gol va sakkizta samarali uzatmaga mualliflik qildi.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)