Britaniyalik xonanda Adel tug‘ilgan kunida kiyib ko‘rinish bergan ko‘ylakning hamma o‘lchamlari bir sutka ichida sotilib ketdi, deb yozadi “Korrespondent.net”.
Qayd etilishicha, ushbu ko‘ylakning narxi 600 dollardan qimmatroq.
Adel Instagram’dagi sahifasiga Elzinga brendining shishib turadigan yengli qora kalta ko‘ylagida tushgan rasmini joylagan edi. Ko‘ylak Adelning xipcha qomatiga urg‘u bergan. Qayd etilishicha, Adel so‘nggi bir yil ichida 45 kilogrammga ozgan.
Bunday shoyi ko‘ylakni Elzinga saytida 604 dollarga xarid qilish mumkin edi, biroq hozirda sotuvda bironta ham ko‘ylak qolmagan.
Ozib ketgan Adelning ushbu surati 10 milliondan ko‘proq layk to‘plagan.
Mavzuga doir: Qo‘shiqchi Adel turmush o‘rtog‘i bilan ajrashdi
Izoh (0)