Kardashyan-Jenner oilasi vakillari plastik operatsiyagacha va undan keyin qanday ko‘rinishga ega bo‘lgan? (foto)

Kardashyan-Jenner oilasi vakillarining go‘zal tashqi qiyofasi tabiiymi yoki plastik jarrohlik mahsulimi? Quyidagi suratlar orqali ushbu savolga javob topishga harakat qilamiz.

Kim Kardashyan

Kimning qomati, yuz tuzilishi jarrohlik amaliyotigacha hozirgidek bo‘lmagan. Uning o‘zi yuzidagi o‘zgarishini makiyaj bilan bog‘liq, deb ta’kidlaydi, lekin yaxshilab nazar tashlansa, yuz shakli avvalgi suratdagidek cho‘zinchoq emasligi, ixchamlashgani va yanoqlari bo‘rtgani, ko‘zlari kattalashganini ko‘rish mumkin.

Kayli Jenner

Dunyoning eng yosh milliarderi Kayli yuzini plastik operatsiya qildirmaganini, shunchaki, oz-moz kosmetik o‘zgartirishlarni amalga oshirganini ta’kidlaydi. Ammo suratga nazar tashlab, Kaylining so‘zlari qanchalik rost yoki yolg‘onligini bilish qiyinmas. Kattalashgan lablar, shakli o‘zgargan jag‘, ixchamlashgan burun buning isboti. Biroq tan olish kerak, jarrohlik amaliyoti mohirona bajarilgan.

Ushbu oilaning vakilasi sifatida Kendallni ko‘rinishiga eng kam o‘zgartirish kiritgan deb e’tirof etish kerak. Kendall ham Kayli singari operatsiyani inkor etadi. Uning gapida jon bordir, balki, burun avvalgidan kichikroq, lab esa kattaroq ekanini aytmasa, yuz va ko‘z shakli o‘zgarmagan. Yaxshilab e’tibor berilmasa, o‘zgarishlar borligini bilish qiyin.

Xloi Kardashyan

Kim, Kayli, Kendallning nima bilan shug‘ullanishini hamma biladi, lekin opa-singillari soyasida unda-bunda ko‘zga tashlanib turadigan, ammo unchalik mashhur bo‘lmagan Xloi haqida ko‘pchilik bilmasligi tabiiy hol. Uning suratlarini solishtirib, ikki suratdagi ham Xloini o‘​zimi, degan savol tug‘iladi. Shunchaki, burun oldingidan kichkina bo‘lgani, yuz ixchamlashgani, osilgan qovoqlar yo‘qolgani, yanoqlar o‘zgarganini aytmaganda rostdan ham ikki suratda uning o‘​zi.

Kortni Kardashyan

Kortni oilaning yana bir vakilasi. U opa-singillaridan farqli o‘laroq ko‘rinishidagi o‘zgarishlarni yashirmaydi, chunki bundan ma’no yo‘q, shundoq ham o‘zgarishlar yaqqol seziladi.

Kris Jenner

Mashhur qizlarning onasi Kris ham o‘zgarishlarni inkor qilmaydiganlardan. Uning fikricha, o‘zini yaxshi ko‘rgan har bir ayol yoshi o‘tganida jarrohlik amaliyotini sinab ko‘rishi kerak. Kris qizlaridan farqli o‘laroq tashqi qiyofasiga butkul o‘zgartirish kiritmagan. Yo‘qolgan ajinlar, yuz shaklidagi o‘zgarish uni qizlarining onasi emas, opasidek ko‘rinishiga sababchi bo‘lgan.