AQShda COVID-19 koronavirusiga chalinganlarning umumiy soni bir million nafardan oshib ketdi. Bu haqda Worldometers portali ma’lumot bergan.
AQSh hali ham koronavirus bilan kasallanganlar soni bo‘yicha ro‘yxatda yetakchilik qilmoqda, mamlakatda 1 million 2 ming 963 nafar kishi koronavirusga chalingan.
Bir sutka ichida 22 ming 412 kishida koronavirus infeksiyasiyasi aniqlangan. Shu tariqa Qo‘shma Shtatlarda butun dunyoda koronavirusga chalinganlarning uchdan bir qismi borligini taxmin qilish mumkin — 27-aprel kuni butun dunyoda koronavirus bilan kasallanganlar sonining 3 milliondan oshgani xabar qilingandi.
Pandemiya boshlanganidan beri dunyoda 917 ming nafar odam kasallikdan tuzalgan, COVID-19 tufayli vafot etganlar soni esa 210 ming nafarni tashkil qilmoqda.Infeksiyadan eng ko‘p talafot ko‘rgan mamlakatlar — AQSh, Ispaniya, Italiya, Fransiya va Germaniya bo‘lib turibdi. Rossiya kasallanganlarning umumiy soni bo‘yicha reytingda 9-pog‘onani egallagan, mamlakatda, so‘nggi ma’lumotlarga ko‘ra, koronavirusga chalingan bemorlarning umumiy soni 93 558 kishiga yetgan.
Koronavirus qo‘zg‘atadigan COVID-19 pnevmoniya kasalligi ilk bora 2019-yil dekabr oyida Xitoyning Uxan shahrida tarqala boshlagan. JSST 11-mart kuni koronavirus tarqalishini dunyo miqyosida pandemiya darajasiga chiqqanini e’lon qilgan.
Izoh (0)