“Hozirgina Virusologiya ilmiy-tekshirish instituti rahbariyati bilan bo‘lgan suhbatda aniqlandiki, bemorlarning 17 nafarida pnevmoniya belgilari kuzatilyapti. Bemorlarning to‘rt nafari — og‘ir, ikki nafari esa nisbatan og‘ir ahvolda deb baholanmoqda”, — dedi Vazirlar Mahkamasi huzuridagi Sanitariya-epidemiologiya nazorati davlat inspeksiyasi boshlig‘i Nurmat Otabekov “O‘zbekiston 24” telekanalidagi chiqishida.
Avvalroq, 2-aprel 23:00 holatiga O‘zbekistonda koronavirusga chalinganlar soni 205 nafarga yetgani haqida xabar berilgan edi. Mamlakatda ilk kasallanish holati qayd etilganidan beri 25 nafar bemor sog‘aydi, ikki nafari esa kasallikdan vafot etdi.
Mavzuga doir: O‘zbekistonda koronavirusga chalinganlar haqida batafsil ma’lumot berildi (infografika)
Koronavirusning O‘zbekistondagi ikkinchi qurboni esa Toshkentda istiqomat qilgan 39 yoshli shifokor ekani aytilgan edi — u kasalligini yashirib, o‘zini uyda davolashga uringan. Undan 14 yoshli qashqadaryolik jiyaniga va asli navoiylik ona-bolaga koronavirus yuqqan.
Izoh (0)