eBay’da sotib olinganidan buyon havo aylanuvchi maxsus kapsulada saqlangan BMW 7-Series avtomobili auksionga qo‘yildi. 1997-yilda ishlab chiqarilgan sedanning odometriga ko‘ra, mashina 254 kilometr yurgan, deb xabar beradi Motor.
Avtomobilning hozirgi egasi uni 1927-yili tug‘ilgan ayoldan sotib olgan va saqlash uchun garajiga joylashtirgan. Mashina 50 700 yevroga baholanmoqda.
E38 kuzovida yaratilgan BMW’ning egasi 1997-yilda mashinani xarid qilishi bilanoq “konservalab qo‘ygan”. Ta’kidlanishicha, havoning mexanik aylanishi sabab sedan juda yaxshi holatda saqlangan va dunyoda bu kabi holatda saqlangan birorta 7-Series mavjud emas.
BMW 7-Series’ga 286 ot kuchiga ega 4,4 litrli V8 dvigateli o‘rnatilgan. Uzatmasi — orqa o‘qda, uzatmalar qutisi — besh pog‘onali avtomat.
Ayni vaqtda ushbu avtomobil Polshaning Gogolin shahrida saqlanmoqda, ammo mashina egasi uni Yevropa ittifoqidagi istalgan mamlakatga jo‘natishga tayyor. Auksion 31-martga qadar davom etadi.
Izoh (0)