Ilon Mask koronavirusni davolash yo‘lida sun’iy nafas oldirish apparatlarini tarqatmoqda

Tesla rahbari Ilon Mask Xitoydan koronavirus bilan og‘ir kasallanganlarni davolashda kerak bo‘ladigan 1255 dona sun’iy nafas oldirish apparatlarini sotib oldi. Tibbiyot qurilmalari Kaliforniya rasmiylariga topshirilgan, ular esa o‘z navbatida apparatlarni mahalliy shifoxonalarga tarqatadi, deb xabar berdi Motor.

Kaliforniya gubernatori Gevin Nyusom Maskning ushbu harakatini “qahramonlik” deb atagan. Ilon Mask o‘zining Twitter’dagi sahifasiga Xitoyda ishlab chiqarilgan sun’iy nafas oldirish apparatlari Los-Anjelesga olib kelinganini yozib qoldirgan. Ushbu qurilmalardan o‘tkir pnevmoniya va koronavirus bilan kasallangan insonning ahvoli og‘irlashib qolganida foydalaniladi. Mavzuga doir:

• Koronavirus sarosimasini ahmoqlik deb atagan Ilon Mask bir hafta ichida 5,5 mlrd dollar yo‘qotdi
• Dunyoning eng badavlat odamlari yil boshidan buyon qariyb 1 trln dollaridan ayrildi

Avvalroq Tesla rahbari koronavirus u qadar qo‘rqinchli emasligini va pandemiya atrofidagi vahimani “ahmoqlik” deb atagandi. Shuningdek, u amerikaliklarning avtohalokat oqibatida vafot etishi ehtimoli koronavirusdan o‘lishdan yuqoriroq ekanini ta’kidlagan.