Tesla kompaniyasi asoschisi Ilon Mask koronavirus sabab bir hafta ichida 5,5 milliard AQSh dollari miqdoridagi mablag‘ni yo‘qotdi, deya xabar bermoqda Forbes. Avvalroq bu milliarder COVID-19 koronavirusi tufayli paydo bo‘lgan vahimani “ahmoqlik” deb atagan edi.

Tesla aksiyalari narxi 22 foizga tushgan, Maskning boyligi esa 18 foizga kamaygan. Ayni vaqtda u taxminan 31,1 milliard dollar mablag‘ga ega.

Bir hafta ichida eng ko‘p mablag‘ yo‘qotgan milliarderlar:

Bernar Arno, LVMH — -14 milliard dollar;

Amansio Ortega, Inditex — -12,8 milliard dollar;

Fransuaza Betankur-Mayers, L’Oreal — -8,9 milliard dollar;

Karlos Slim Elu, America Movil — -7 milliard dollar;

Jeff Bezos, Amazon — -6,4 milliard dollar;

Mukesh Ambani, Reliance Industries — -6,1 milliard dollar;

Fransua Pino, Kering — -5,9 milliard dollar;

Ilon Mask, Tesla — -5,5 milliard dollar;

Loren Pauell Jobs, Apple — -4,9 milliard dollar;

Leonardo del Vekkio, Luxottica — -4,9 milliard dollar.

15-mart holatiga ko‘ra butun dunyoda 155 ming nafardan ziyod odam kasallikni yuqtirib olgan. O‘lganlar soni 5,8 ming nafarni tashkil qiladi. Kasallik holatlari jami 135 ta davlatda, jumladan O‘zbekistonda ham qayd etilgan.