Rossiya poytaxti Moskva shahrida koronavirus yuqtirib olgan birinchi bemor tuzaldi. U yaqin vaqt ichida kasalxonadan chiqadi. Bu haqda Moskva meri o‘rinbosari Anastasiya Rakovaga tayanib, “RIA Novosti” xabar berdi.
Shahar meri o‘rinbosarining ma’lum qilishicha, birinchi bemor tuzalgan. Unda o‘tkazilgan tekshiruvlar virusning mavjud emasligini ko‘rsatgan. Yaqin kunlar ichida u kasalxonadan chiqadi.
Eslatib o‘tamiz, Rossiyada koronavirus yuqtirib olish bilan bog‘liq oltita yangi holat aniqlandi. Ularning beshtasi Moskvada qayd etilgan. Koronavirus sabab mazkur shaharda yuqori shaylik rejimi joriy etildi.Mavzuga doir: Kremlda Putinni koronavirusdan himoya qilish bo‘yicha qilinayotgan ishlar haqida ma’lumot berildi
Fevral oyi oxirida Italiyadan qaytgan erkakda koronavirus topilganligi 2-mart, dushanba kuni, ma’lum bo‘ldi. U shifokorlarga murojaat qilgan, shundan so‘ng kasalxonaga davolanish uchun joylashtirilgan. Moskva meri Sergey Sobyanin koronavirus aniqlangandan so‘ng 85 kishi karantinga olingani, 24 kishi kasalxonaga yotqizilgani haqida xabar bergan edi.
