2-mart, dushanba kuni, poytaxtning Sergeli tumanida 2 ta yangi umumta’lim maktabining ochilish marosimi bo‘lib o‘tdi. Bu haqda Toshkent shahar hokimligi matbuot xizmati xabar berdi.
Ushbu marosimda Toshkent shahar hokimi Jahongir Ortiqxo‘jayev, Toshkent shahar XTBB boshlig‘i A.Mamajonov, Sergeli tumani hokimi Baxtiyor Shomurodov, davlat va jamoat arboblari hamda OAVlari vakillari qatnashdi. OAV vakillari, jurnalist hamda blogerlar uchun mazkur tadbir munosabati bilan press-tur tashkil etildi.
Shahar hokimi toshkentliklarni, xususan, Sergeli tumanidagi yangi mavze aholisini ushbu yangi 329 va 330-umumta’lim maktablarining ochilishi bilan samimiy tabrikladi. Bu o‘quv dargohlari qurilishdagi yangi texnologiyalar va zamonaviy talablar asosida 10 oy muddatda qurib bitkazilganligini, ularga bezak berish hamda jihozlashda ham yangicha fikr va qarashlarga asoslanganligini aytib o‘tdi.
Yangi maktablarning har biri 4 qavatli bo‘lib, 48 ta sinf xonasiga ega, quvvati 1680 o‘ringa mo‘ljallangan. Alohida sport zal, faollar zali, oshxona, shuningdek, futbol maydoniga ega.
Formulalar, teoremalar, fanlarga doir muhim qoidalar, erkin muhit, albatta, o‘quvchilarning ta’limga bo‘lgan qiziqishi va intilishini oshirishi shubhasiz, deyiladi xabarda.
Izoh (0)