Xitoylik olimlar yangi turdagi COVID-19 koronavirusiga qarshi ular tomonidan yaratilayotgan vaksinani klinik sinovlarga ikki oydan keyingina tayyorlay olishi mumkin. Bu haqda Xitoy fan va texnika vaziri o‘rinbosari Syuy Nanpin ma’lum qildi.
“Kompleks tadqiqotlar va dastlabki hisob-kitoblarga ko‘ra, vaksinani aprel oyining oxirgi dekadasidan avvalroq klinik sinovlarga taqdim etishning imkoni yo‘q”, — deya Xitoy Fan va texnika vazirligi rahbari o‘rinbosarining so‘zlaridan iqtibos keltirmoqda “Kommersant”.
Koronavirusning tarqalishi 2019-yil dekabrida boshlangan edi, hozirgacha ushbu virus oqibatida 2,2 mingdan ortiq odam vafot etdi, 75 mingdan ortiq odam kasallangan.
Avvalroq Jahon sog‘liqni saqlash tashkiloti Xitoy koronavirusiga qarshi vaksina yarim yildan so‘ng paydo bo‘lishini xabar qilgandi. Qayd etish joiz, fevral o‘rtalarida Xitoyda koronavirusga qarshi kurashda samarali bo‘lishi mumkin bo‘lgan dori vositasini ishlab chiqarish boshlangani ma’lum bo‘lgan edi.
Mavzuga doir:
- Jeki Chan koronavirusga qarshi vaksina yaratgan insonga 143 ming dollar va’da qildi
- Koronavirusga qarshi vaksinaning qachon ishlab chiqilishi ma’lum qilindi
- Xitoy kompaniyasi koronavirus infeksiyasiga qarshi potensial vaksina sotuvga chiqishini e’lon qildi
- Kuvaytlik bloger koronavirusni davolash bo‘yicha o‘zi yaratgan “usul” uchun 3,2 mlrd dollar olishni istamoqda
Izoh (0)