Toshkentda tez yordam xizmati to‘liq raqamlashtirilib, 150 ta Ford olib kelingan edi. Endi viloyatlarda ham shunday bo‘ladi

Prezident Shavkat Mirziyoyev 27-yanvar kuni sog‘liqni saqlash sohasini va ilm-fan yo‘nalishlarini rivojlantirish masalalariga bag‘ishlangan yig‘ilish o‘tkazdi, deya xabar bermoqda Prezident matbuot xizmati.

Bir muddat avval Toshkent shahrida tez tibbiy yordam xizmati chaqiriqlarni avtomatik qabul qilish va ijro etish bo‘yicha to‘liq raqamlashtirilgani hamda 150 ta maxsus Ford avtomobili bilan ta’minlangani haqida xabar berilgan edi.

“Davlatimiz rahbari ushbu tizimni 2020—2021-yillarda respublikaning barcha hududlariga bosqichma-bosqich tatbiq etish, shoshilinch va tez tibbiy yordam xizmatini kuchaytirish zarurligini ta’kidladi”, — deyiladi Prezident matbuot xizmati axborotida.