AQSh prezidenti Donald Tramp administratsiyasi tug‘ishni rejalashtirgan ayollarning mamlakatga kirish qoidalarini qat’iylashtirishni reja qilmoqda, deb xabar beradi “Kommersant”.
Mazkur chora “tug‘ish turizmi”ga qarshi kurashishga yo‘naltirilgan. Ko‘pchilik mamlakatga farzandini shu yerda dunyoga keltirish uchun tashrif buyuradi, chunki chaqaloq tug‘ilishi bilan fuqarolikka ega bo‘ladi.
“Ushbu o‘zgartirish milliy xavfsizlik va ‘tug‘ish turizmi’ bilan bog‘liq xavflarni, shu jumladan, unga bog‘liq jinoiy xatti-harakatlarni bartaraf etishga qaratilgan”, — deydi Davlat departamenti.
Nashrning ta’kidlashicha, tug‘ilishlar soni bo‘yicha rasmiy statistika mavjud emas. Biroq Immigratsion tadqiqotlar markazi tug‘ilishlar soni bir yilda taxminan 33 mingga tengligini ma’lum qildi.
Rejaga ko‘ra, B tipidagi vizalarni (turistik va ish yuzasidan qisqa muddatga beriladigan) berish tartibi qiyinlashtiriladi. Mansabdor shaxslar fuqaro AQShga u yerda farzandini dunyoga keltirish uchun borayotganini bilib qolsa, viza berishni rad etishi mumkin bo‘ladi. Buning tartibi qanday bo‘lishi hozircha noma’lum.
Izoh (0)