O‘zbekiston Prezidenti Administratsiyasi huzuridagi Axborot va ommaviy kommunikatsiyalar agentligi direktori Komil Allamjonov va direktor o‘rinbosari Saida Mirziyoyeva Fransiya poytaxti Parij shahrida YuNESKO Bosh direktori Odri Azule va direktor o‘rinbosari Moez Chakchuk bilan uchrashdi. Bu haqda Komil Allamjonovning Telegram’dagi kanalida ma’lum qilindi.
Xabar berilishicha, uchrashuvda media sohasida hamkorlik munosabatlarini o‘rnatish imkoniyatlarini muhokama qilingan.
Qayd etilishicha, Azule xonim, o‘z navbatida, YuNESKOning Xalqaro universal axborot olish kuniga bag‘ishlangan konferensiyasini O‘zbekistonda o‘tkazish bo‘yicha taklifni qo‘llab-quvvatlashga tayyorligini ma’lum qilgan va Toshkent shahrini 2022-yilda “Jahon kitob poytaxti” deb e’lon qilinishi borasidagi tashabbusga ijobiy baho bergan.
Muloqotda xalqaro loyihalarda o‘zbek jurnalist va blogerlarining ishtiroki, ularning tajribasini oshirish masalasida ham muhokama qilingan. YuNESKO rahbariyati O‘zbekiston bilan barcha yo‘nalishda hamkorlik qilishga tayyor ekanini bildirgan.
Izoh (0)