Ijtimoiy tarmoqlarda Jizzaxdagi viloyat Favqulodda vaziyatlar boshqarmasining Yong‘in xavfsizligi boshqarmasi sport maydonida 29-dekabr kuni futbol uchrashuvi vaqtida yuz bergan ommaviy mushtlashuv videosi tarqaldi.
“Daryo”ning huquq-tartibot organlaridagi manbalarining ma’lum qilishicha, hodisa Sharof Rashidov tumanining “Jizzax Bars” va Zafarobod tumanining “Zafar” jamoalari o‘rtasidagi o‘yin vaqtida yuz bergan (jamoalar aynan qaysi tuzilmalarga taaluqli ekaniga aniqlik kiritmadi).
Qayd etishlaricha, janjal futbol hakamining xatti-harakatlaridan norozi bo‘lgan bo‘lgan P.Yu. va E.J.ning tomoshabinlar sektoridan maydoniga tushib, hakamni so‘kishi oqibatida kelib chiqqan. Dahanaki jang keyinchalik tartibsiz mushtlashuvga aylanib ketgan.
Ma’lumotlarga ko‘ra, hodisa oqibatida tan jarohati olganlar yo‘q. P.Yu. va E.J.ga nisbatan esa Ma’muriy javobgarlik to‘g‘risidagi kodeksning 183-moddasi (mayda bezorilik) bilan ma’muriy bayonnoma rasmiylashtirilib, sudga yuborilgan.
Izoh (0)