Jizzax viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo‘limi xodimlari tomonidan olib borilgan tezkor tadbir natijasida pirotexnika vositalarini sotish bilan shug‘ullangan shaxs qo‘lga olindi. Bu haqda Davlat bojxona qo‘mitasi xabar berdi.
Jizzax shahrida o‘tkazilgan tezkor tadbir davomida fuqaro O.S. boshqaruvidagi Matiz rusumli transport vositasi belgilangan tartibda ko‘zdan kechirilgan.
Natijada avtoulovning orqa o‘rindig‘ida hech qanday hujjatlari bo‘lmagan jami 20 400 dona pirotexnika vositalari borligi aniqlangan.
Hozirda mazkur holat yuzasidan bojxona organlari tomonidan surishtiruv ishlari olib borilmoqda.
Izoh (0)