Favqulodda vaziyatlar vazirligining Gidrometeorologiya xizmatiga tayanib bergan ma’lumotlariga ko‘ra, 21—25-noyabr kunlari A-373 “Toshkent—O‘sh” avtomobil yo‘lining Qamchiq dovoni qismida vaqti-vaqti bilan qor yog‘adi. Shu sababli vazirlik dovondan o‘tmoqchi bo‘lgan haydovchilarni hushyor bo‘lishga chaqiradi.
Ta’kidlanishicha, tuman tushib, ko‘rinuvchanlik 50 metrgacha pasayashi, shamol tezligi sekundiga 17—22 metrgacha kuchayishi, yo‘lda qor uyumlari, muzlamalar hosil bo‘lishi mumkin.
Shu munosabat bilan yo‘l transport hodisalari bilan bog‘liq favqulodda vaziyatlarning oldini olish maqsadida, dovon hududida harakatlanishdan oldin quyidagi mutaxassis tavsiyalariga e’tibor qaratish so‘raladi:
- avtomobillarning texnik holatini to‘liq ko‘zdan kechirish;
- dovon orqali yetarli darajada yoqilg‘i-moylash mahsulotlari bilan harakatlanish;
- avtotexnikalarning qish mavsumida harakatlanish uchun maxsus shinalar bilan almashtirish;
- haydovchilarning Qamchiq dovoni orqali harakatlanganda hushyorlikni yanada oshirishlari va yo‘llarda to‘xtab dam olishlari;
- viloyatlararo yuk tashish bilan shug‘ullanuvchi tashkilotlar, firmalar, xususiy tadbirkorlar tomonidan haydovchilar bilan profilaktik tadbirlar o‘tkazilishi.
Qamchiq maxsus qidiruv-qutqaruv boshqarmasi navbatchilik qismi: (95) 146-87-08, (70) 662-72-49, (71) 212-70-07, (99) 837-29-38, 10-50.
Izoh (0)