Yaponiya hukumati 11-sentabr, chorshanba kuni to‘liq tarkibda iste’foga chiqdi.
Bosh vazir Sindzo Abe mahkamasi a’zolaridan iste’fo haqidagi bildirgini qabul qilib oldi. Bunga partiyaning parlament yuqori palatasi saylovlaridagi g‘alabasidan so‘ng hukumat tarkibidagi o‘zgarishlar va oktabr oyida iste’mol solig‘ini 10 foizga oshirish rejalashtirilgani sabab bo‘ldi.
O‘tgan yilning oktabrida hukumatdagi o‘zgarishlar davomida ko‘plab vazirlar o‘z lavozimini saqlab qolgan bo‘lsa, endilikda faqat hukumat bosh kotibi Yosihide Suga va moliya vaziri Taro Aso o‘z joyida qoladi, xolos.
Bugun kunning ikkinchi yarmida hukumatning yangi tarkibi e’lon qilinadi. Shundan so‘ng yangi mahkamani mamlakat imperatori tomonidan tasdiqlash marosimi bo‘lib o‘tadi va u rasman shakllangan hisoblanadi.
Izoh (0)