Toshkent davlat yuridik universiteti rektori Yesemurat Kanyazov lavozimidan ozod etildi. Bu haqda “Kun.uz” manbasi xabar bermoqda.
Shavkat Mirziyoyev raisligida Yoshlarni vatanparvarlik ruhida tarbiyalash va jamiyatda o‘qituvchi mavqeyini oshirish yuzasidan kengaytirilgan videoselektor yig‘ilishi davomida davlat rahbari Yesemurat Kanyazov ishdan olinganini ma’lum qilgan.
“Oltin voha” kanalida yozilishicha, Prezident videoselektor davomida oliy ta’limdan noroziligini aytgan: “Men mutlaqo oliy ta’limdan noroziman. Rektorlarda talab yo‘q, saviya yo‘q. Eng katta poraxo‘rlik qayerda? Yuridik, Moliya, Iqtisodiyot universitetlarida. Tizimda tartib yo‘q, intizom yo‘q”.
Ma’lumot uchun, Yesemurat Kanyazov 2005—2011-yillarda Adliya vaziri o‘rinbosari, 2011-yilning iyunidan Adliya vazirining birinchi o‘rinbosari bo‘lib ishlagan, 2013-yilda Toshkent davlat yuridik universitetiga rektor etib tayinlangach vazir o‘rinbosari lavozimidan ketgandi. Ammo u 2017-yilning aprelida yana Adliya vaziri o‘rinbosari lavozimini egallagan.
Ayni vaqtda Kanyazovning vazirlikdagi lavozimi taqdiri bo‘yicha ma’lumot yo‘q.
Izoh (0)