“Real” Garet Beylning narxini e’lon qildi

“Real” Garet Beyl transferi uchun 80 million yevrolik takliflarni ko‘rib chiqishga tayyor.

ESPN’ning klubdagi manbasiga tayanib xabar berishicha, futbolchi transferi borasida hech qaysi bir klub madridliklarga rasmiy taklif bilan chiqmagan. Uelslikning o‘zi ham Madridda qolmoqchi.

“Real” bosh murabbiyi Zinedin Zidan esa Beylni rejasiga kiritmagan. Biroq 30 yoshli hujumchi jamoani tark etish niyati yo‘q, Beyl klub prezidenti Florentino Peres uni qo‘llab-quvvatlashini xohlamoqda.

Ma’lumot uchun, hujumchi “Real”da yiliga 17 million yevro ishlab topadi va uning klub bilan tuzgan shartnomasi yana 3 yil amal qiladi. Shu sababli vaziyat murakkablashgan.

Avvalroq futbolchini “Tottenhem” 60 million yevro evaziga ortga qaytarishga tayyorligi haqida xabar berilgandi.

Eslatib o‘tamiz, Beyl 2018/19-yilgi mavsum Ispaniya chempionatida 29 ta uchrashuvda maydonga tushib, 8 ta gol urdi va 3 ta golga assistentlik qildi.