“ArMI — 2019” xalqaro armiya o‘yinlari doirasida Belarusda o‘tkaziladigan “Merganlar marrasi” bellashuvida o‘zbekistonlik harbiylar ham ishtirok etadi. Mudofaa vazirligi matbuot xizmati xabar berishicha, Sharqiy harbiy okrugda nufuzli musobaqaga tayyorgarlik ko‘rilmoqda.
Qayd etilishicha, tadbirning o‘tgan yilgi bahslarida Mudofaa vazirligi harbiy xizmatchilari 18 davlatning 19 jamoasi ichida munosib qatnashib, 4-o‘rinni qo‘lga kiritgan. Bu yilgi bahslarda ishtirok etish uchun 8 nafar mergan Farg‘ona dala o‘quv maydonida tayyorgarlik olib borishmoqda.
Musobaqa ishtirokchilari asosan 3 ta shart bo‘yicha bellashadi. Har bir shart bir nechta mashqlardan iborat. Yakuniy natija shartlar davomida to‘plangan ballarning umumiy hisobi bo‘yicha aniqlanadi.
Izoh (0)