Kosmik turizmni rivojlantirish bo‘yicha “Kosmokurs” kompaniyasi Nijniy Novgorod viloyatidagi birinchi xususiy kosmodrom yaqinida raketalarga yoqilg‘i quyish maqsadida spirt zavodi qurishni rejalashtirdi. Bu haqda “RIA Novosti” xabar berdi.
Xabarda aytilishicha, har bir raketani uchirish uchun yonilg‘i sifatida taxminan 30 tonna spirt va oksidlovchi sifatida suyuq kislorod kerak bo‘ladi.
Rossiyada suborbital sayyohlik parvozi uchun birinchi xususiy kosmodrom 2025-yilda qurilishi rejalashtirilgan. “Kosmokurs” kompaniyasi uning qurilishiga 40 million dollar investitsiya kiritadi.
Kompaniya 250 ming dollarga teng 15 daqiqalik ekskursiya parvozlari uchun ko‘p martalik raketa va suborbital kosmik kemadan foydalanadi. Agar loyiha “Roskosmos” tomonidan ma’qullansa, sinovlar 2020-yildan boshlanadi.
