Pavel Durov Roskomandzor reyestriga kiritilgan Telegram Messenger LLP kompaniyasi faoliyatini to‘xtatishga ariza berdi. Bu haqda “Korrespondent.net” xabar bermoqda.
Mazkur ariza Buyuk Britaniya yuridik shaxslari reyestrida 2018-yil 19-dekabrida qayd etilgan, reyestr saytida esa 2019-yil 4-yanvarda paydo bo‘ldi.
Kompaniya faoliyati to‘xtatilishining rasmiy sabablari ma’lum qilinmagan.
Durov o‘z guruhining yuridik tuzilishini oshkor etmaydi, biroq oldinroq u ushbu kompaniyani messenjerning asosiy yuridik vakili sifatida ko‘rsatgandi.
Ekspertlar mazkur qaror Rossiyada Telegram blokirovka qilinishi bilan bog‘liq emasligi, bunga kompaniya restrukturizatsiyasi sabab bo‘lishi mumkinligini bildirmoqda.