KXDR Davlat kengashi raisi Kim Chen In AQSh prezidenti Donald Tramp bilan uchrashuvini 2019-yilning mamlakat tashqi siyosatidagi asosiy ustuvor vazifalardan biri etib belgiladi, ammo shu bilan birga Qo‘shma Shtatlarni respublikaning sabr-toqatini sinamasligi bilan ogohlantirdi. Bu haqda “TASS” xabar berdi.
Kim Chen Inning so‘zlariga ko‘ra, Qo‘shma Shtatlardan xalq respublikasiga belgilangan xalqaro sanksiyalarini bekor qilish uchun javob qadamlarini uzoq kutadigan bo‘lsa, muqobil yo‘lni izlashga majbur bo‘ladi. Shu bilan birga, siyosatchi “istalgan vaqtda Tramp bilan uchrashish”ga tayyor ekanini ma’lum qildi va KXDRning mamlakatni to‘liq denuklearizatsiya qilish bo‘yicha va’dalarini amalga oshirish niyati qat’iy ekanligini yana bir bor tasdiqladi.
2018-yilning 2-iyul kuni Singapurda AQSh va KXDR o‘rtasidagi tarixiy sammit bo‘lib o‘tdi. Uning natijasida Tramp va Kim Chen In birgalikda bayonot qabul qildi, unda Pxenyan Koreya yarim orolini butunlay denuklearizatsiya qilishga tayyorligini e’lon qildi, AQSh esa KXDRga javoban xavfsizlik kafolatlarini berishga va’da berdi. Biroq, Singapur sammitining yakuniy bayonnomasida tomonlarning niyati aniq ko‘rsatilmagan. Dekabr oyi oxirida AQSh prezidenti Kim Chen In bilan yangi uchrashuvni intizorlik bilan kutayotganini ma’lum qildi.
Tinchlik zonasi
Shuningdek, KXDR rahbari Koreya yarim orolini tinchlik hududiga aylantirish maqsadida amalga oshirilayotgan Qo‘shma Shtatlar va Janubiy Koreyaning qo‘shma mashqlarni to‘xtatishga chaqirdi. “Biz Koreya yarim orolini tinchlik zonasiga aylantirishga qaror qildik”, — deydi u. Kim Chen In, shuningdek, uning mamlakati “yadro qurolidan foydalanmaydi”, deya ishontirdi. Shu bilan birga u, Koreya yarim orolida yangi strategik harbiy obyektlar paydo bo‘lmasligini ta’kidladi.Pxenyan bir necha bor AQSh va Janubiy Koreya harbiylarining qo‘shma mashqlarini tanqid qilgan va ularni Koreys yarim orolidagi Pxanmunjom va Pxenyangi deklaratsiyalarining buzilishi deb atagan.
Iqtisodiyotni rivojlantirish to‘g‘risida
KXDR Davlat kengashi raisi 2019-yilda iqtisodiyotni rivojlantirishni mamlakatning ustuvor vazifasi ekanligini aytdi.Kim Chen In 2019-yilda mashinasozlik, energetika va qishloq xo‘jaligida mahsulot ishlab chiqarishni sezilarli darajada oshirish zarurligini ta’kidladi.KXDR rahbari an’anaga ko‘ra respublika iqtisodiyoti va tashqi siyosatidagi maqsadlarni belgilab olish uchun Yangi yilda mamlakat fuqarolariga murojaatini qo‘llaydi.
Izoh (0)