Indoneziyada ro‘y bergan kuchli sunami oqibatida qurbon bo‘lganlar soni ortib boryapti. Oxirgi ma’lumotlarga ko‘ra, ularning soni 429 kishiga yetgan, deb yozadi “Sinxua” ushbu mamlakatning tabiiy ofatlarni bartaraf etish milliy agentligiga asoslanib.
Fojia oqibatida 1459 kishi jabrlangan.
Eslatib o‘tamiz, 22—23-dekabr kunlari Indoneziyaning Yava va Sumatra orollariga kuchli sunami yopirilib kelgandi. U yaqinda Krakatau vulqoni otilishi tufayli yuz bergan bo‘lishi mumkinligi aytilmoqda.
