Germaniyaning Kotbus shahrida sport gimnastikasi bo‘yicha Jahon kubogi o‘tkazilmoqda. Musobaqada O‘zbekiston nomidan Oksana Chusovitina hamda Sabina Turobova ishtirok etmoqda, deb xabar beradi MOQ matbuot xizmati.
43 yoshli Oksana Chusovitina tayanib sakrash mashqlarida 14,416 ball bilan uchinchi natijani ko‘rsatdi va finalga yo‘l oldi. Endi Oksana 25-noyabr, shanba kuni medallar uchun startga chiqadi. Bu borada Braziliya vakilasi Rebeka Adrade (14,766) birinchi bo‘ldi. Ikkinchi natijani esa AQSH sportchisi Jeyd Keri (14,483) ko‘rsatdi.
Brus mashqlarida qatnashgan Sabina Turobova esa 8,708 ball bilan 25-o‘rindan joy oldi.
Izoh (0)