Tesla kompaniyasining eng yirik o‘nta aksiyadorlari qatoriga kiruvchi BlackRock boshqaruvi ostidagi jamg‘armalar Ilon Maskni kompaniya direktorlari kengashi raisligidan bo‘shatishni xohlamoqda. Bu haqda “Korrespondent.net” xabar berdi.
Xabar berilishicha, jamg‘armalar Maskni qandaydir noma’lum rais bilan almashtirish uchun ovoz bergan. Vaziyatning o‘ziga xosligi shundaki, Mask direktorlar kengashi raisi va Tesla bosh ijrochi direktori sifatida vazifalarni bajaradi.
Bu taklif boshqa aksiyadorlar tomonidan qo‘llab-quvvatlanmagan, shuning uchun Maskning Tesla’dagi o‘rni o‘zgarishsiz qolmoqda.
