Bugun, 23-avgust sanasida Indoneziyadagi Osiyo o‘yinlarining futbol musobaqasi davom ettirilmoqda.
Ravshan Haydarov boshchiligidagi O‘zbekiston olimpiya terma jamoasi 1/4 finalga chiqish uchun Gonkong termasiga qarshi kurash olib bordi. Uchrashuvda hisob 27-daqiqada Ikrom Aliboyev tomonidan ochildi. 60-daqiqada Javohir Sidiqov hisobni 2:0 ko‘rinishiga keltirdi. Oradan 5 daqiqa o‘tib, Zabihillo O‘rinboyev o‘yinga yakuniy nuqtani qo‘ydi.
Shu tariqa O‘zbekiston 1/4 finalga yo‘l oldi.
Haydarov shogirdlari chorak finalda Janubiy Koreya—Eron juftligi g‘olibiga qarshi kurash olib boradi.
Osiyo o‘yinlari—2018
Futbol, 1/8 final
23-avgust, payshanba
O‘zbekiston — Gonkong 3:0
Gollar: 1:0—27 Ikrom Aliboyev, 2:0—60 Javohir Sidiqov, 3:0—65 Zabihillo O‘rinboyev.O‘zbekiston: 1. Botirali Ergashev, 2. Rustamjon Ashurmatov, 4. Akramjon Komilov, 5.Abbos Otaxonov, 6. Jaloliddin Masharipov (11.Bobir Abdiholiqov, 71), 7. Odiljon Hamrobekov, 9. Zabihillo O‘rinboyev (19.Andrey Sidorov, 80), 10. Javohir Sidiqov (16.Doniyor Narzullayev, 71), 14. Ikromjon Aliboyev, 17.Dostonbek Hamdamov, 20. Dostonbek Tursunov.
Gonkong: 1.Xo Chun Yuyen, 3.Vang Kit Sui, 4.Xok Ming Lau, 5.Lilley Nunyez, 6.Chun Lok Tan, 8.Remi Dujardin, 9.Vai Keng Chung, 10.Ka Vai Lam (13.Xo Ming Yiu, 72), 12.Chun Ming Vu, 15.Pui Xong Yu, 18.Tarres Paramo (14.Long Xin Se, 73)
Chetlatish: Pui Xong Yu 43.
Izoh (0)