Hindistonda WhatsApp orqali tarqalgan xabar tufayli tilanchilar ommaviy tarzda do‘pposlandi

Hindistonda olomon organlarni sotish uchun qotillikka qo‘l urganlikda gumonlangan bir necha kishini do‘pposladi. Ehtimoliy jinoyatlar haqida mahalliy aholi WhatsApp orqali tarqatilgan xabardan bilib olgan, deb yozadi Tengrinews.

Madxya-Pradesh shtatidagi bir nechta tumanlarda aholiga odamlarni o‘ldirib, ularning organlarini sotish uchun olib ketadigan 500 kishi tilanchilar ko‘rinishida yurgani haqida xabarlar kelgan. Mualliflar bu xabarni do‘st va qarindoshlarga qayta yuborishni so‘ragan.

Politsiya ma’lumotlariga ko‘ra, xabar yolg‘on bo‘lib chiqqan. Uni tarqatgan uch kishi hibsga olindi.