KXDR hukumati uch nafar amerikalik asirni ozod etishga qaror qildi. Ular mamlakatni AQSh davlat kotibi Mayk Pompeo bilan birgalikda tark etadi. Bu haqda “Ryonxap” agentligiga asoslanib, “Gazeta.ru” xabar berdi.
“Biz u (Pompeo) Kim Chen In va Donald Trampning uchrashuv sanasi haqida ma’lumotni hamda uch nafar asirni ham olib kelishini kutmoqdamiz”, — deyiladi xabarda.
Avvalroq, Pompeo Shimoliy Koreyaga muzokaralar o‘tkazish uchun tashrif buyurgani haqida xabar berilgandi. Ushbu uchrashuv Pompeo va Kim Chen Inning 6 hafta ichida bo‘lib o‘tgan ikkinchi suhbati hisoblanadi. Siyosatchilar Kim Chen In va prezident Trampning yaqin haftalar ichida bo‘lib o‘tadigan muzokaralarini muhokama qiladi.