Avval xabar berilganidek, Madridning “Real” jamoasi Yevropa Chempionlar Ligasining yarim finalidan o‘rin olgan “Bavariya”ga qarshi dastlabki uchrashuvda 2:1 hisobidagi g‘alabani qo‘lga kiridi.
Shuningdek, bir oz vaqt muqaddam ushbu o‘yinda qayd etilgan rekordlar haqida ham xabar berilgan edi.
“Real”ning kechagi muvaffaqiyati musobaqa tarixida “Bavariya” ustidan qozonilgan ketma-ket 6-g‘alabasi sifatida tarixdan joy oldi. Oldin hech qaysi jamoa “Bavariya”ni qatorasiga 6 bor mag‘lub eta olmagan edi.Oxirgi 6 o‘yinda “Real” “Bavariya” darvozasiga 15 ta gol urib, o‘z darvozasida esa 5 ta gol olib chiqqan.
“Real”ning mazkur g‘alabali seriyasi 2011/12-yillardagi YeChL yarim finalida boshlangan. O‘shanda madridliklar 2:1 hisobida zafar quchgan. Shundan so‘ng “Real” “Bavariya” ustidan 2013/14-yillardagi mavsum yarim finalining ikkala o‘yinida ham mos ravishda 1:0 va 4:0 hisobida g‘alaba qozonadi. O‘tgan mavsum esa madridliklar Chempionlar Ligasi chorak finalida “Bavariya”ni 2:1 va 4:2 hisobida mag‘lub etgan edi.
Kechagi uchrashuvda “Real” hujumchisi Krishtianu Ronaldu raqib darvozasini ishg‘ol etolmadi. Va hattoki 2017-yil fevralida beri ilk bor raqib darvozasiga biror marta zarba yo‘llamadi.
Natijada, Ronalduning 2018-yilning 3-fevralidan beri davom etayotgan barcha turnirlardagi qatorasiga 12 ta golli o‘yinlar seriyasi barham topdi. Shuningdek, uning Chempionlar Ligasidagi 2017-yil may oyidan beri davom etayotgan ketm-ket 11 ta o‘yindan iborat golli seriyasi ham yakun topdi.
Krishtianu YeChLning o‘tgan mavsum finali va bu mavsumning 10ta o‘yinida maydonni golsiz tark etmayotgandi.
Izoh (0)