Olti oy davomida tayyorgarlik ko‘rilayotgan “Snayper” filmining suratga olish ishlari boshlanmoqda. Bu haqda film prodyuseri Ruslan Mirzayev jurnalist Feruz Muhammadga ma’lum qildi.

Foto: “Daryo”

“Snayper” filmi uchun sarflanayotgan mablag‘, bugungi kunda suratga olinayotgan filmlarga sarflanayotgan mablag‘dan 10-15 barobar ortiqroqdir.

Mazkur film uchun havaskor aktyor-aktrisalar o‘rtasida emas, balki, haqiqiy professional aktyorlar o‘rtasida kasting bo‘lib o‘tdi. Filmda Ulugʻbek Qodirov, Matyoqub Matchonov, Saida Rametova, Shuhrat Umarov va turk aktyorlari bosh rollarni ijro qilishadi.

Filmning asosiy suratga olish ishlari O‘zbekiston, Rossiya Federatsiyasi hamda Turkiyada bo‘lib o‘tishi rejalashtirilgan. Filmning suratga olish ishlari 2-noyabrdan boshlanadi.

Ruslan Mirzayev, film prodyuseri