AQSh prezidenti Donald Tramp tomonidan chizilgan Nyu-Yorkdagi Empire State building osmono‘pari rasmi Julien’s Auctions auksionida 16 ming dollarga sotildi. Bu haqda auksion uyining Twitter’dagi sahifasida ma’lum qilindi, deya xabar beradi “RBK”.
New York Post nashriga ko‘ra, 12 ga 9 dyuymli rasmning boshlang‘ich narxi 100 dollar etib belgilangandi. Tramp uni 1995-yilda Floridadagi xayriya auksioni uchun chizgan. Los-Anjelesdagi Julien’s Auctions auksioniga kelib uning narxi 12 ming dollarga ko‘tarildi.
Auksion xaridorni oshkor etmadi, biroq rasm uchun mablag‘ning bir qismini WHDD-FM radiostansiyasi ajratishi ma’lum.
