Shavkat Mirziyoyev Hindiston prezidentiga hamdardlik maktubi yo‘lladi

O‘zbekiston Prezidenti Shavkat Mirziyoyev Hindiston prezidenti Ram Natx Kovindga Ximachal-Pradesh shtatida yuz bergan yer ko‘chishi oqibatida ko‘plab insonlar halok bo‘lgani munosabati bilan chuqur ta’ziya izhor etilgan maktub yo‘lladi. Bu haqda O‘zbekiston TIV matbuot xizmati ma’lum qildi.

Davlat rahbari o‘z maktubida Ram Natx Kovind va u orqali Hindiston xalqi, marhumlarning oila a’zolari hamda yaqinlariga hamdardlik bildirdi.

Eslatib o‘tamiz, oldinroq Hindiston shimolida ko‘chki oqibatida ikki avtobusda o‘tirgan o‘nlab odamlar halok bo‘lgani haqida xabar berilgandi.