Google zarba kuchini kamaytirishga qodir haydovchisiz avtomobil uchun patent oldi

Google bosh xoldingi — Alphabet tarkibiga kiruvchi Waymo haydovchisiz avtomobillar ishlab chiqaruvchisi to‘qnashuv chog‘i zarba kuchini kamaytiradigan mashina uchun patent oldi. Bu haqda Forum Daily xabar bermoqda.

Haydovchisiz avtomobil korpusi to‘qnashuvlardan avval zarb kuchini kamaytiruvchi, piyoda yoki velosipedchiga ta’sirni susaytiradigan egiluvchan materialdan ishlangan. Bu esa to‘qnashuv chog‘i transport vositasi tomonidan yetkaziladigan zararni cheklaydi.

Konstruksiyada bir necha tarang elementlar, masalan, odatiy sharoitlarda avtomobilning tashqi qattiqligini saqlaydigan kabellardan foydalaniladi. To‘qnashuv yuz bergandi avtomobil datchiklari ushbu kabellarni zaiflashtiradi yoki qirqib qo‘yadi.

Avtomobilning kapot, bamper yoki yon panellar kabi turli komponentlari obyektning tezligi, yo‘nalishi, hatto tasnifiga qarab yumshashi mumkin. Jumladan, tizim velosipedchi kapot va old bamperga urilish arafasida ekanligini aniqlasa, taranglik kamaytiriladi.