Abdulaziz Komilov Jahon bankining Markaziy Osiyo bo‘yicha mintaqaviy direktori Liliya Burunchukni qabul qildi
O‘zbekiston Respublikasi tashqi ishlar vaziri Abdulaziz Komilov ikki tomonlama muzokaralar o‘tkazish uchun nufuzli delegatsiya rahbari sifatida Toshkentga kelgan Jahon bankining Markaziy Osiyo bo‘yicha mintaqaviy direktori Liliya Burunchukni qabul qildi. Bu haqda vazirlik matbuot xizmati ma’lum qildi.
Liliya Burunchuk shu yilning o‘zida to‘rtinchi marta O‘zbekistonga tashrif buyurmoqda. Avvalroq Jahon banki delegatsiyasi ijtimoiy-iqtisodiy vaziyat bilan tanishish maqsadida Orolbo‘yiga tashrif buyurgan edi.
TIVda bo‘lib o‘tgan suhbat chog‘ida O‘zbekiston va Jahon banki guruhi o‘rtasidagi sherikchilik istiqbollari muhokama qilindi.
Muloqot davomida Harakatlar strategiyasini amalga oshirish doirasidagi hamkorlik masalalariga alohida e’tibor qaratildi.
Uchrashuvda tomonlarni qiziqtirgan boshqa masalalar yuzasidan ham fikr almashildi.
