Toshkentning “Paxtakor” klubi aytib o‘tilganidek, 11-iyul kuni jamoaning 5 nafar yangi futbolchisini jamoatchilikka tanishtirdi. Ularning ikki nafari xorijdan taklif etilgan legionerlar bo‘lsa, qolgan uchtasi o‘zbekistonlik futbolchilardir.
Matbuot anjumanida ishtirok etgan “Championat.asia” nashri klubga yangi qo‘shilgan futbolchilarning shartnoma tuzib bo‘lgach aytgan fikrlarini yozib oldi. Quyida ular bilan tanishish mumkin.
Oldinga o‘tib shuni aytish kerakki, yangi futbolchilarning barchasi “Paxtakor” bilan 2,5 yillik shartnoma imzoladi. Avvalroq chernogoriyalik himoyachi Marko Simich ham klub bilan 2019-yil so‘ngiga qadar qolishga rozi bo‘lgandi.
Eldor Suyunov
O‘zbekiston milliy terma jamoasi darvozaboni “Paxtakor”da xuddi “Nasaf”da bo‘lgani uchun 25-raqamda harakat qiladi.
“Paxtakor”ga o‘tishimga asosiy omil — jamoada ruy berayotgan o‘zgarishlar, bu O‘zbekiston uchun yangilik. Menga “Paxtakor”ning yangi loyihasi yoqdi, aynan shu narsa meni bu jamoaga kelishimga sabab bo‘ldi. Raqobatdan esa qo‘rqmayman, bu biz uchun foydali.Eldor Suyunov, “Paxtakor” a’zosi
Sherzod A’zamov
“Nasaf” sardori sifatida futbol muxlislariga tanish bo‘lgan futbolchi yangi klubida 70-raqamda to‘p suradi.
“Nasaf”dan ketish qiyin bo‘ldi. Endi esa qaror qabul qilingan, ortga yo‘l yo‘q. “Paxtakor”ga katta sovrinlarni qo‘lga kiritish uchun keldim. Boshqa sabab yo‘q.Sherzod A’zamov, “Paxtakor” a’zosi
Gidi Kanyuk
Isroillik futbolchi yangi klubida 52-raqamda to‘p suradi. Shota Arveladze unga yarim himoyada suyanishni niyat qilgan.
“Paxtakor”ning kuchli ekanini va shonli tarixi borligini bilamiz. Endi uning o‘sha tarixni qaytarish yo‘lida ko‘maklashgani keldik.Gidi Kanyuk, “Paxtakor” a’zosi
Tiagu Bezerra
Faoliyatining asosiy qismini Turkiya chempionatida o‘tkazgan braziliyalik hujumchi 77-raqamni tanlab oldi.
Turkiyada “Paxtakor”ni juda yaxshi bilishadi. Arveladzening jamoa boshqaruviga o‘tgani ajoyib ish bo‘ldi. Uning taklifiga ko‘ra “Paxtakor”ni tanladim. O‘ylaymanki, jamoa bilan birgalikda ko‘plab g‘alabalarni qo‘lga kiritamiz. Bu yilgi maqsad klubni Chempionlar ligasiga qaytarish. Kelasi yildan boshlab barcha musobaqalarda g‘oliblikni ko‘zlaymiz.Tiagu Bezerra, “Paxtakor” a’zosi
Zabihillo O‘rinboyev
“Bunyodkor”da Sergey Lushchan qadriga yetmagan futbolchi, mavsumning yarmini “Olmaliq” safida o‘tkazgandi. Endi esa “Paxtakor” libosida 71-raqamda to‘p suradi. Kichik mundiallarning bir emas, uchtasini ko‘rgan hujumchi yarim yil avval ham Toshkentning boshqa bir grand klubida edi. Endi unga raqobatchi bo‘lgan boshqasida paydo bo‘ldi.
“Paxtakor”dan chorlov bo‘ldi. Bu taklif menga yoqqani uchun uni tanladim. Raqobatning kuchli ekani yaxshi, bu bizning foydamizga ishlaydi.Zabihillo O‘rinboyev, “Paxtakor” a’zosi
Izoh (0)